ગૃહિણી એટલે તેને નાના બાળકથી લઈને ઘરના તમામ વ્યક્તિઓ નું ધ્યાન રાખવાનું હોય છે. મોટાભાગે બધી જ ગૃહિણીઓ રસોઈ બનાવવામાં એક્સપર્ટ હોય છે. જોકે સારી રસોઈ બનાવીને પીરસવી એ પણ એક રસોઈ બનાવવાની કળા છે. ઓછા સમયમાં ફટાફટ રસોઈ બનાવી શકો તેવી થોડી એવી ટિપ્સ અહીંયા અમે તમને જણાવીશું જે તમને રસોડામાં ફટાફટ કામ કરવા માટે ઉપયોગી થશે.
=>તમને ખબર હશે કે લીલા વટાણાનું શાક કરીએ કે પછી તેને પાણીમાં પલાળી એ એટલે તે સંકોચાઇ
જાય છે પણ જો તમે ઇચ્છતા હો કે આવું ન થાય તો એના માટે પાણીમાં એક ચમચી ખાંડ નાંખીને વટાણા
ને બાફી લેવા અને શાક બનાવતા સમયે આ જ પાણીનો ઉપયોગ કરી લેવો.
=>જો તમારે પુલાવ નો એક-એક દાણો છૂટો અને સુગંધ પણ સરસ જોતી હોય તો જ્યારે ચોખા અડધા
ચડી જાય ત્યારે એક ચમચી ખાંડ નાખી દો.
=>જો તમારે ભાત એકદમ છુટ્ટો અને સફેદ બનાવવો હોય તો તેમાં અડધી ચમચી મીઠું તથા એક લીંબુ
નાખી શકાય તેનાથી ભાત સરસ છુટ્ટો તથા એકદમ સફેદ બનશે
=> જો તમારાથી દાળ ભાત ની દાળ આછી થઈ ગઈ હોય તો તેમાં ભાતનું ઓસામણ નું પાણી નાખી
દેવું જેનાથી દાળ ઘાટી તથા વધુ સ્વાદિષ્ટ બની જશે.
=>લસણ ની છાલ ઝડપથી ઉતારવા માટે લસણ ને થોડું ગરમ કરી લો લસણ ની છાલ તરતજ ઉતરી જશે.
=> રોટલી બનાવવાની તવી અથવા પ્લેટ ચોખ્ખી કરવી હોય તો રોટલી બનાવ્યા બાદ તુરંત લીંબુ ની
છાલ ઘસવાથી તવી અથવા પ્લેટ ચોખ્ખી થઈ જશે.
=> જૂના બટાકા બાફો ત્યારે તેમાં લીંબુનો રસ નાખવાથી બટાકા સફેદ રહેશે.
=> ખીર બનાવતી વખતે ખાંડ સાથે ઇન્સ્ટન્ટ કુલ્ફી પાવડર મિક્સ કરો તો દૂધ ઝડપથી ઘાટુ થશે તથા
ખીર નો સ્વાદ પણ સરસ લાગશે.
=> ડુંગળી અને બટેટા ને ટોપલીમાં સાથે ન રાખો જો સાથે રાખશો તો બટાકા ઝડપથી બગડી જશે.
=> દૂધ જે પાત્રમાં ગરમ કરવાના હો તે પાત્ર ની કોર પર માખણ કે ઘી લગાવી દો આમ કરવાથી દૂધ નો
ઉફાળો બહાર નહીં આવે.
=> ભીંડા નું શાક બનાવો ત્યારે ભીંડા ની અંદર ખૂબ જ ચિકાસ હોય છે તેમાં લીંબૂ અથવા તો ખાટી
છાશ મિક્સ કરવાથી ભીંડાની ચિકાસ દૂર થાય છે.
=> મીઠાની બરણીમાં જો ભેજ લાગતો હોય તો મીઠાની બરણીમાં થોડા ચોખા નાખી દો જેનાથી મીઠું
ઓગળશે નહીં અને ભેજ પણ નહીં લાગે.
=> લોટ બાંધતી વખતે પાણીમાં થોડું દૂધ નાખી દો જેનાથી રોટલી સ્વાદિષ્ટ બનશે.
=> ખાંડ ના ડબ્બામાં થોડા લવિંગ નાખી દો આમ કરવાથી ખાંડ ના ડબ્બામાં કીડીઓ નહિ આવે.
=> કાપેલા સફરજનનો ઉપરનો ભાગ કાળો ન પડે માટે લીંબુના ટીપા પાડી દો જેનાથી સફરજનનું
ઉપરનું પડ કાળું નહીં પડે.
=>ડુંગળી કાપતી વખતે આંખોના બળે માટે ડુંગળીને પાણી ભરેલા પાત્રમાં કાપો આમ કરવાથી
આંખો નહીં બળે.
=> ટીંડોરા ના શાકમાં લીંબુનો રસ નાખવાથી શાક વધારે સ્વાદિષ્ટ બને છે
=> રીંગણ બટાકા ના શાક માં સ્વાદ વધારવા માટે તેમાં શેકેલા સિંગદાણાનો ભૂકો નાખો.
=> ઉપમા બનાવતી વખતે ગરમ પાણીનો ઉપયોગ કરવાથી ઉપમા છૂટો બનશે.
=> અડદની દાળને બફતા પહેલા પાંચ મિનિટ અડધી ચમચી મીઠાવાળા પાણીમાં પલાળી દો
દાળ એકદમ છૂટી થશે અને તેની જમતી વખતે મોં માં તેની ચીકાશ પણ નહીં આવે.
=> કઢી બનાવતી વખતે તેમાં ઉભરો આવે છે એવામા સ્ટીલની ખાલી વાટકી કઢી ની તપેલી માં
નાખી દેવાથી કઢી ઊભરાશે નહીં.
=> લીલા શાકભાજી નો રંગ કાળો ન પડે એના માટે તેલ ગરમ કરતી વખતે સહેજ મીઠું નાખી દો
પછી શાકનો વઘાર કરો શાક નો લીલો રંગ જળવાઈ રહેશે.
=> ફ્રેન્ચ ફ્રાઈઝ ને એકદમ ક્રિસ્પી બનાવવી હોય તો તેમાં કાંટાથી કાણા પાડીદો અને પછી બનાવો.
=> આલુ પરોઠા બનાવતી વખતે બટાકાના મિશ્રણમાં અથાણાનો મસાલો અને તેનું તેલ મિક્સ કરો
અને ધીમી આંચે શેકવાથી તે વધારે સ્વાદિષ્ટ લાગશે.
=> મોણ ઓછું નાખીને પણ ક્રિસ્પી મઠરી બનાવી હોય તો લોટને ભીના કપડામાં વીંટાળી બે-ત્રણ
મિનિટ સુધી સ્ટીમથી બાફો પછી કપડું કાઢી નાંખી તેમાં થોડું મોણ નાખો અને ખૂબ મસળો તેમાંથી
લુઅા બનાવી મઠરી બનાવો.
=> કાપેલા બટાટાની ચીપ્સને લાંબો સમય સફેદ રાખવા માટે ફટકડીના પાણીમાં પલાળીને રાખો.
=> લીંબુ ને લાંબો સમય તાજા રાખવા માટે લીંબુની ફાડ પર નમક લગાવીને રાખો અથવા તો
લીંબુને કાચની બરણીમાં પેક કરીને રાખો.
=> કાચા કેળા ને લાંબો સમય રાખવા માટે પ્લાસ્ટિકની કોથળીમાં પેક કરીને ફ્રીજમાં રાખો.
=> ખાટી છાશ માં થોડી મલાઈ ઉમેરી દો છાશની ખટાશ ઓછી થઈ જશે.
